Governor Roel Degamo, gin proklamar na bilang matuod nga nag daog nga gobernador sa Negros Oriental sa may 2022 elections.
Makita sa post sang official Facebook page ni Governor Degamo ang pag proklamar sa iya sang Special Provincial Board of Canvassers sa COMELEC kaina sang aga.
Kabahin sa gin post ni Degamo ang resolution sang Board of Canvassers nga si Degamo amo ang nangin madinalag-on sa piniliay sang May 2022 elections matapos i dugang sa iya ang nakuha nga boto sang nuissance candidate nga si Ruel Degamo ukon Grego Gaudia Degamo.
Sa liwat nga pag canvass sang boto, nakakuha si Degamo sang 331,726 votes kontra sa 301,319 votes nga nakuha sang una gindeklarar nga gobernador nga si Henry Teves.
Ginpahayag ni Governor Degamo sa iya sini nga post nga “Justice is Served” kag iya gin pasalamatan ang iya mga taga suporta.
Samtang, gin post man ni Teves sa iya sini Facebook page ang iya gin pahayag sa interview nga kun i mando sang DILG, handa siya nga mag biya sang iya nga pwesto bilang gobernador sang probinsya.