Masobra sa 1,500 na ka mga pig houses sa mga apektado nga banwa kag siudad ang tigayon nga na decontaminate kag gina handa man sa gina paabot nga re-population.
Sa nagliligad nga inadlaw, nagpatigayon sang decontamination sa mga pig houses sa banwa sang Pontevedra kag EB Magalona.
Ang pag decontaminate kabahin sa pag pahagan-hagan ukon pag likaw sang pag lapta pa gid sang masakit nga nag igo sa mga baboy.
Kabahin naman ini sang pag panghanda para sa gina paabot nga sentinelling kag restocking.
Ang sentinelling nagakasayuran sang monitoring sa lugar kun bala may nagakapatay pa nga baboy.
Kun wala na sang ma na record, sarang mahatagan sang baboy para ma obserbahan.
Kun ini ang indi magmasakit ukon mapatay mahimo masugdan na ang programa sa repopulation.
Sa report sang Office of the Provincial Veterinarian kahapon, 5 ang na record napatay nga baboy sa bilog nga probinsya.
Padayon ang pagnubo sang hog deaths.
Samtang, nagahulat man ang Department of Agriculture Region 6 sang report sang Bureau of Animal Industry bahin sa mapping sang ASF cases sa bilog nga pungsod kag ma pat-od man kun ano na ang sitwasyon sang ASF sa Western Visayas lakip na ang Negros Occidental.