Declogging operation sa mga merkado ginasuguran na sang DRRMO kabahin sang pagpanghanda sa La Niña phenomenon.
Bisan naga tagiti ang init masako ang katapo sang City Engineer’s Office upod sa DRRMO sa pagkakas sang nagabara nga basura sa drainage sa gwa sang Burgos Public Market.
Nagligad lang nga semana sang ginsuguran nila ang declogging operation sa mga drainage sa Barangay Bata.
Ginsiling ni DRRMO head, Dr. Anna Maria Laarni Pornan nga kabahin ang declogging operation sa mga merkado sa mga pagpanghanda batuk sa La Nina phenomenon sa bulan sang tig ululan.
Ang siudad ang magatalana sang P20M para ibakal sang dugang nga equipment nalakip diri ang dredging equipment para sa pagpanghawan sang sapa kabahin diri ang Maupay kag Mambuloc Creek sa reclamation area. Ini sa tuyo nga mapahagan hagan ang posible pagbaha sa downtown area sa pag-abot sang tig ululan.