Halin sa 22 ka mga identified flood prone areas,nadugangan sang onse pa ka mga lugar nga apektado sang pagbaha tuga sang Bagyo Paeng sa Bacolod.
Gani sa pagsinapol ni Mayor Albee Benitez upod sa katapo sang task force baha, iya ginmandu ang mas masupog pa nga declogging kag dredging operation agud mapahagan hagan ang epekto sang baha sa siudad.
Suno sa alkalde ginsuguran naman sang Bacolod housing authority ang pag award sang duta sa relocation site para sa mga informal settlers nga nagapuyo sa mga flood prone areas.
Tuyo sang Benitez administration nga ma amat amatan na ang pagsaylo sang mga informal settlers sa mga igatukod nga temporary shelters agud matigayon nga masuguran ang ginadihon nga housing project sang siudad upod sa Department of Human Settlements and Urbam Development.
May 10,000 ka mga housing units para sa mga informal settlers ilabi na ang para sa mga nagapuyo sa danger zones ang ginadihon sang siudad agud nga masuguran na ang amat amat nga pagbalhin sa ila antes matapos ang tuig.