Malapit sa isa ka gatos ka katapo sang Federation of Urban Poor – Negros ang nagtipon sa istatwa ni anay Senador Benigno Aquino, Jr., sa dalan Araneta sa Bacolod kaina sang aga sa pag dumdom sang iya ika 43 nga death anniversary.
Bitbit ang mga flaglets isa ka programa ang ginsakdag nga naga lakip sang pag halad sang bulak sa istatwa ni Ninoy kag pag pangamuyo para sa mga kabataan kag pamatan-on, mga government official kag katapo sang Fed-Up.
Ang pag panghangkat sang grupo sa publiko amo ang padayon nga pagtindog para sa kun ano ang intsakto, matarong kag kamatuoran.
Ini nga mga bagay ang ginpakita ni Ninoy sa iya nga kabuhi nga nag tindog kag nag pakigbato para diri.
Ginadumdom sang bilog nga pungsod ang August 21 bilang Ninoy Aquino Day nga isa ka national non-working holiday sa kada tuig.
Sa amo nga adlaw gin-assasinate ang anay senador.
Ang iya kamatayon ang nag tulod sang malapnagon nga protesta nga sang ulihi nag padulong sa 1986 People Power Revolution nga nagtapos sang rehimen ni President Ferdinand Marcos, Sr.
[sibwp_form id=1]