Pagkatapos sang tatlo ka adlaw nga pagpasidungog sa kinaadman sang mga Indigenous Peoples ukon IP, opisyal nga nagtapos subong adlaw ang Dayaw 2025 Indigenous Peoples Festival.
Ang Indigenous Peoples Festival nagpakita sang kultura kag tradisyon sang mga katutubo paagi sa mga presentation, exhibit, iban pa nga aktibidad kag pagpanikasog sa pagpreserba sang ila kaugalingon nga kultura sa Activity Area sang SM City Bacolod.
Gina lakipan sang 36 ka mga tribu tanan gikan sa nagkalain lain nga mga lugar sa Pilipinas ang yari diri sa Bacolod.
Suksuk ang ila tagsa ka mga tribal attire, ginpakilala sang mga nagpasakop ang ila tribo.
Ini ginhiwat upod sa mga lokal nga panguluhan sang Bacolod kag mga organisasyon nga padayon nga nagasuporta sa pagpasanyog sang ihibalo sa dako nga kontribusyon sang mga katutubo sa pagkilala sang identity sang pungsod.
Yara man sa programaa si Undersecretary Myra Paz Abubakar sang Department of Tourism.
Ang Dayaw 2025 Festival nagpahanumdom liwat sang importansya sang pagpreserba sang aton nagliligad.