Basta mag amat amat na siya suksok sang iya nga gloves… Kag mag suksok sang iya earphones kag magpa tukar sang music sa iya nga cellphone….
Handa na si Araceli Abad ukon si Nonoy sa iya pagpabalhas sa tunga sang dalan Gonzaga kag Lacson.
Amat amat siya nga naga lakat patunga sa iya nga entblado….ang karsda antes mag hanot may gamay nga warm up…
Dugay dugay kibuton niya na lang ka sang pitik sang iya nga lawas…
Masarangan niya pa nga himo sang 360 degrees turn kag naga angut sa gihapon ang iya atensyon sa lakat sang traffic.
Wala siya naga ka ubosan sang energy, daw wala lang naga sulay sa init.. May giling giling pa nga upod…
Pati mga pasahero sa jeep nagaka kibot.
Ang iya buddy nga si John Espinosa bilib sa kay nonoy. Kada adlaw, performance level ang iya nga pag kumpas sang iya nga mga kamut.
5 years na si Nonoy nga traffic enforcer. Lain gid ya kuno kun may upod nga saot ang pag padalagan sang traffic kay indi siya maka batyag sang kakapoy.
Sagadsad dancer siya sang gamay pa siya. Sang una naga lantaw lang siya sa mga MassKara dancers nga nga sinaot. Subong ini naman ang iya nga gina saot.
Istorya ni Nonoy, antes nangin traffic enforcer nag trisikad driver siya. Nag kargadaor, nag sulod sa pagka construction worker, naga libod sang fried chicken kag nag basurero sa pagka traffic enforcer lang siya kuno naglawig kay pamatyag niya ini gid ang trabaho para sa iya.
Sa Sabado isa ka kompetisyon para sa dancing traffic enforcers sang Bacolod ang ipatigayon kag isa siya sa desi sais ka mga maga pasimpalad bilang Best Traffic Enforcer sang Bacolod.