Kahalitan sa agrikultura dala sang mabunok nga ulan tuga sang habagat ang nag dangat sa 151. 2 million pesos.
Ini base sa September 23 nga report sang Provincial Disaster Risk Reduction Management Office.
Ang kahalitan sa pananom nga naga lakip sang humayan, high value crops kag mga maisan ang nagdangat sa 146,184,459 pesos sa 160 tanan ka mga barangay sa probinsya.
Ang kahalitan naman sa fisheries, yara sa 1,781,361 pesos.
Sa kasapatan naman ini ang nagdangat sa 3,314,151.
May 3,108 ka sapat ang nagkalamatay. Ginsiling na sadto ni Provincial Veterinarian Dr Placeda Lemana nga kadam-an sa mga nagkalamaay nga kasapatan amo ang mga manok labi na free range chicken.
Nagkalamatay ang mga kasapatan suno sa iya bangud sang pagmasakit kasubong man pagkalumos.
Sa datus sang Provincial Veterinary Office, ang banwa sang Isabela ang may pinaka daku nga kahalitan – nga naga balor sang 1,116,776 pesos.
15 ka mga banwa kag siudad sa probinsya ang nag report sang kahalitan sa kasapatan.