Kahapon pa nakabatyag sang malain nga baho ang pila ka mga residente sang Barangay 39 gikan sa isa ka private lot nga malapit lang sa opisina sang Bureau of Fisheries and Aquatic Resources.
Gani kaina temporaryo nga ginpasirad-an ang dalan kasunod sang ginpatuman nga occular inspection sa lugar sang katapo sang Disaster risk reduction Management Office, City health office, BFP kag PNP upod sanday Councilor Pao Sy kag Secretary the Mayor nga si Atty. Joseph Karol Chiu.
Sa sulod sang private lot nakit-an nila ang pila ka mga container sang hazardous chemical.
Nagkuha man sila sang samples para sa laboratory testing sang Negros Prawn Cooperative.
Madasun man nga nag-apply sila sang apog kag saw dust para mapahagan hagan ang baho gikan sa chemical spill sa sulod sang pribado nga compound.
Gilayon man nila nga ginbuksan ang dalan matapos ang ginpatuman nga inspeksyon.