Agud masolusyonan ang problema sa sa illegal dumping sang basura, preparado na ang 24 ka mga dalagko nga garbage bins sang Bacolod agud ibutang sa mga barangay nga nagakinahanglan sini.
Ginsiling ni Atty. Allyn-Luv Dignadice, pamuno sang Bacolod Environment and Natural Resources nga una nga nag request sang garbage bin ang home owners association sang Yuhum Village sa Vista Alegre.
Ginpapirma na sila sang BENRO sang pledge of commitment bangud kon mabutang na ang garbage bin sa ila lugar, sila na mismo ang ma maintain sini kag mabantay agud indi ini mangin dumping site.
Dugang pa niya, nag request naman ang Barangay Alijis, Handumanan, Alangilan, Estefania, kag Singcang-Airport.
Natalana nga mag occular visit ang BENRO sa amo nga mga barangay agud matumod kon nagakaangay ini nga butangan sang garbage bins ukon indi.
Ang ini nga mga bins ang sarang nga mabutangan sang 12 tubtob 22 cubic meters sang basura. Mas dako ini kumpara sa mga bins sang tinalikdan nga tuig nga may 5.5 cubic meters lamang nga capacity.
Ginpangkakas naman sang siudad ang mga garbage bins sa tatlo ka mayor nga public markets sa siudad bangud imbis nga makabulig ini, nangin problema pa bangud ginahimo na ini sang dumping site sang mga business establishment sa palibot.*
[sibwp_form id=1]