Dinakpanay sang ebike, e-trike kag tricycle indi pa anay madayon sa Bacolod.
Sa Biyernes na ang gintalana nga deadline sang moratorium sa dinakpanay sang colorum nga e-bike, e-trike kag tricycle nga gin-anunsyo ni Mayor Albee Benitez.
Ini samtang may mga barangay nga wala pa maka-submit sang ila assessment report angut sa kadamuon sang naga-byahe nga e-bike, e-trike kag tricycle sa ila nasakpan.
Sa assessment report man magabase ang Committee on Traffic and Transportation sang konseho angut sa pag-grant sang hinyo sang mga TODA ukon Tricycle and Drivers Association, angut sa dugang nga tricycle franchise units kag expansion sang rota.
Nagsiling si Councilor AL Victor Espino nga samtang wala pa sila sang naayutan nga data indi pa ini madesisyunan kag possible nga indi pa mapatuman ang pagdinakpanay sang colorum units.
Ini magluwas lang kun madakpan sang katapo sang BTAO ang e-bike, e-trike kag tricyclenga naga byahe sa mga major roads sang siudad.
Sa report sang kabarangayan magabase ang LGU kun sin-o ang paga-issuehan sang mga lisensya kag color coded stickers agud makabyahe.