Ginsiling ni Barangay 17, Punong Barangay Rogelio Pabiana Jr. nga nakasugtan na nila kag sang tag-iya sang pribado nga building sa 4th-Lacson Streets nga magabutang sila sang gwardiya agud mangin hugot ang pagbantay nga wala sang may nagatinulog nga mga indibidwal sa amo nga lugar.
Nagpatukod na sang hayub-hayub ang pila ka persona kag diri na naga-istar.
Makapila naman ka beses nga ginpahalin sila sang Bacolod City Legal Office, apang suno sa kapitan, nagabalik sila sa gihapon.
Dugang ni Pabiana, tubtob sa karun, yara sa gihapon sila lugar bisan indi man mga residente sang barangay.
Suno sa DSSD ang iban sa ila naga serbe barker samtang ang ila mga bata nagapanglimus sa amo nga lugar.
Bilang tikang man nga mangin matinlo ang lugar ilabi na sa ginapaabot nga ika 47 nga MassKara Festival, gwardyahan ang lugar.
Nagsaad man ang Barangay nga ila i-monitor lugar.
Wala sang kapasidad ang barangay agud magbutang sang tanod sa lugar bangud suno kay Pabiana, limitado ang ila nga budget.
[sibwp_form id=1]