Apesar sang kahalitan sa palay dala sang bagyo Tino, ginsiling sang pamuno sang Department of Agriculture sa rehiyon nga may nagakaigo nga supply sang bugas sa probinsya.
Paathag ni Engr Jose Albert Barrogo ang NIR Agriculture Director, antes pa man nag igo ang bagyo Tino, naka ani na ang mga mangunguma.
Ang ila lang nga gina lantaw amo ang sitwasyon sa San Carlos City bangud may mga 1,000 hectares sang palay ang na damage.
Ini bangud sa masami late na naga ani ang San Carlos.
Sa report sang Biyernes sang probinsya, yara sa masobra sa P105 million ang balor sang kahalitan sa palay, ukon masobra sa 2,600 hectares ang nahalitan.
“Majority of our rice na harvest na siya before typhoon Tino came. Medyo notable lang gid nga effect amo ang sa San Carlos which is more than 1,000 has ang na-damage naton didit kay late gid man na sa harvest ang San Carlos naton. Kun lantawon naton subong ang aton production, indi lang gid ko kahambal kun diin nagkadto totally ang aton na harvest subong na season kay kun diri lang gid sya sa Bacolod, na retain naton ang aton harvest it will be enough for us nga maka supply sa aton”, suno kay Barrogo.*