Sa Lunes gina paabot ang pag finalize sang detalye kag guidelines bahin sa tuyo sang pagbaligya sang bugas sa 20 pesos kada kilo sa Visayas.
Suno kay Negros Occidental Governor Eugenio Jose Lacson, sa Lunes pagatalakayon ni Agriculture Secretary Francisco Tiu Laurel, Jr., sa mga regional directors sang Visayas ang mechanics sa pag baligya sang 20 pesos nga kilo sang bugas.
Ang amo nga tikang ang gintalakay ni Presidente Ferdinand Marcos, Jr., sang Miyerkules sa mga gobernador sang Visayas sa probinsya sang Cebu.
Template sang Cebu ang gin-gamit sa amo nga programa. Na imbitar man si Lacson pero wala siya makatambong kay siya ang ginhinyo sang local candidates sa pag-upod sa ila nga campaign rally.
Sa iya inisyal nga pagsugilanon kay NIR DA Regional Director, Jose Alberto Barogo, tag 33 pesos ang bili sang kilo sang bugas nga iga baligya.
Gani ang 13 pesos nga diperensya sa selling price sini nga P20 ang iga subsidize sang gobyerno probinsyal kag national government.
Pangitaan sang probinsya pondo ini. Ginpasalig man siya ni Barrogo nga ang bugas ang freshly milled kag ini ang indi na maglapaw pa sa tatlo ka bulan.
Ginalantaw nga tig napulo ka kilo sa kada semana ang mabakal sang kada pamilya ukon 40 ka kilo sa isa ka bulan.
Tuyo sini nga ibaligya direkta sa mga barangay kag magalawig sa inisyal nga plano sa Disyembre.
693,300 ka sako sang bugas ang gina consume sang Negrenses sa kada bulan.