Department of Agriculture sa karon ang nagahikot sang availability sang mga binhi nga sarang mahatag sa mga rice farmers nga naapektuhan sang pagbaha dala sang mabunok nga ulan.
Suno kay Department of Agriculture Regional Director, Engr Jose Albert Barrogo, wala lang dugay nga maka sabwag ukon panggas ang mga rice planters.
Gani ang kinahanglan liwat mag tanum suno sa iya may yara sang available nga mga binhi.
Ulihi nga semana sang Agosto ukon sa bulan na sang Setyembre ang gina paabot nga ani para sa bag-o nga cropping.
Ang mga naka insure naman sa Philippine Crop Insurance Corporation ang sarang maka claim para sa ila nga mga damages.
Sa datus sang DA NIR as of July 21, may 48 ka ektariya sang humayan ang nahalitan.
Gina bulubanta 12 million pesos ang balor sang kahalitan.
May damages man sa mais kag high value crops nga nagdangat sa 631,000 pesos.
Sa report naman sang Provincial Disaster Risk Reduction Management Office as of July 21, 17.2 million pesos ang gin-report damage sa agriculture.
P13.4M diri ang damage to crops, P1.3M ang damage to aquaculture kag P2.3M sa livestock.
“Gina work out namon ang availability sang seeds nga maka tanom sila liwat, ang kinahanglan mag tanom. Available naman ang aton seeds subong. Wala man ta problema with Philrice, ara naman dira ang seeds naton. In terms of assistance and indemnification sa ila, as long as na insure sila sa PCIC, 100 percent nga may batunon sila”, suno kay Barrogo.
