Kun tayuyon ang pagnubo sang active Covid 19 cases sang Negros Occidental, ginalantaw ang pag palip-ot sang curfew hours.
Ini suno kay Negros Occidental Governor Eugenio Jose Lacson. Ginsiling ni Lacson nga may mga
panawagan gikan sa magagmay nga negosyante sa pagpalip-ot sang curfew hours nga naga sugod
las 8 sang gab-i tubtob las 4 sang kaagahon.
Mahimo nga kun magdangat sa 1000 active cases suno kay Lacson ma idog amat-amat ang curfew hours. Gikan las 8 ginalantaw nga ini ang magasugod las 9 sang gab-i na.
As of May 19, 1330 ang active Covid 19 cases sang Negros Occidental sa report sang Provincial Incident Management Team.
Samtang, yara naman sa tagsa ka banwa kag siudad kun maga bukas sila sang mga beach resort.
Kun mag bukas gid man suno kay Lacson pwede nga 30 percent lang anay sa capacity sini bangud
kun tugutan nga 100 percent mabudlay bangud ang kasubong nga mga pagtililipon ang masami ginatunaan sang paglapta sa virus ukon nakabig mga “super spreader” activities.