Las otso sang aga asta las singko sang hapon ang sattellite voters registration nga ginapatigayon sang Comelec-Bacolod sa mall.
Pero halin sang ginsuguran ang pagparehistro sang Hulyo 4 para sa Barangay kag Sangguniang Kabataan elections madamo ang nagapinulaw, kadam-an mga menor de edad nga nagapila para mag pa register.
Suno kay Atty. Kathrina Trinio – Caña, bisan ang management sang mall wala naga discourage sa publiko ilabi na menor de edad nga maghulat sa kaagahon tubtob magbukas ang mall.
Panawagan niya sa Bacolod City Police Office nga kuntani mapatuman ang curfew for minors.
Nagapati si Caña nga kadam an sa mga kabataan nga naga edad 15 tubtob 17 anyos ang ginahakot pa sang pila ka mga indibidwal para mag transfer sang boto sa lain nga barangay.