Nagpabilin nga kampeon ang Colegio de Sta.Ana de Victorias matapos ginlutos ang STI-WNU sa score nga 74-71 sa NOPSSCEA Season 42 basketball championship.
Ini ang ikaapat na nga kampeonato sang Titans.
Temprano pa napuno sang tumalan- aw ang USLS Coliseum gani bisan ang mga may ticket napaslawan makalantaw sang championship game 3 sa tunga sang CSAV kag STI WNU.
Kabahin sa mga tumalan aw ang mga lokal nga opisyales sang Bacolod kag Victorias City upod kay Mayor Javi Bemitez kag girlfriend sini, ang actress nga si Sue Ramirez nga nag cheer para sa Titans.
Nangin mainit ang hinampang kag bisan ang pagsuporta sang mga tumalan-aw sa magkasumpong nga teams.
Pero nangibabaw ang Titans sa score nga 74-71 kag ila man nalab-ot ang handum nga mangin 4 peat champion sa NOPSSCEA Season 42 basketball championship.