Kahalitan sa pananom sa probinsya tuga sang drought kag dry spell ang nag lab-ot na sa 90.6 million pesos.
As of March 19, sa report sang Office of the Provincial Agriculturist, may 17 ka mga banwa kag siudad sa probinsya ang nag report sang kahalitan dala sang El Nino Phenonomenon. Ang siudad sang Kabankalan ang may pinaka daku nga kahalitan sa pananom nga nagdangat sa 41.9 million pesos. Naga sunod naman ang banwa sang Cauayan nga may masobra sa 14 million pesos nga kahalitan. 2,348 ka mga mangunguma ang apektado suno sa report sang OPA. Kag masobra naman sa 2,000 ka ektariya sang pananum sa bilog nga probinsya ang nahalitan.
Sa report sang OPA masobra sang 90 million pesos ang halit sa humayan kag masobra naman sa 442 thousand pesos sa mga maisan.
Kabahin sa bulig nga napanagtag sa mga apektado nga mangunguma amo ang seedlings sang mga utan nga sarang nila matanom para maka bulig piyan-piyan sa ila nga mga kinahanglanon.