Sandig sa datos sang Bacolod City Police Office, humalin sang Enero tubtob sang Marso subong nga tuig, may yara sang na record nga 321 crime incidents sa siudad.
Mas manubo ini sang masobra 19% ikumparar sa 397 crime incidents sang amo man nga mga binulan sang nag ligad nga tuig.
Suno sa BCPO, ang pag nubo sang kaso sang krimen sa siudad ang mahimo bangud sang pag patuman sang minimum health protocols batuk sa COVID-19 nga nagbulig sa peace and order sa siudad kasubong man ang mga gina patigayon nga police kag anti criminality operations sang BCPO.
Samtang, nag lab-ot man sa malapit 2 ka milyon ang balor sang na recover nga iligal nga droga sang BCPO sa 48 tanan ka police operations sang bulan lang sang Marso.
67 man ka mga drug personalities ang nag kaladakpan sang nagligad nga bulan.