Nagsaka na sa 71 percent ang nabakunahan sa target sang Negros Occidental.
Ini suno kay Dr Ernell Tumimbang, provincial health officer, pero naga pabilin nga mahinay ang pag bakuna sa mga yara sa A2 ukon mga senior citizen.
Naga idog naman gid, pero mahinay sa gihapon – 54 percent. Sa special vaccination days nga ginpatigayon sang abril 20 tubtob 22, sa 38,297 nga target, 9,867 lamang ang tigayon nabakunahan.
Nahimo naman sang probinsya ang tanan lakip na ang pag duso sang vaccine advocacy agudto mahangpan ang importansya sini, house to house vaccination para mangin mahapos na sa mga natungdan, lakip na paghatag sang incentives para ma engganyo ang pumuluyo, pero sa gihapon yara nagapabilin ang vaccine hesitancy sa mga katigulangan.
Nagsugod naman ang second dose sang para sa booster shot sa mga may co-morbidities karon, suno kay Tumimbang.
Pero bisan pa ang booster shots may pagpanghangkat man nga gina atubang.
Suno kay Tumimbang, kuntani mahangpan sang tanan nga matapos ang pila ka bulan naga nubo ang proteksyon nga sarang mahatag sang bakuna labi na kun may bag-o naman nga variant.