Nagapabilin nga manubo ang kaso sang Covid sa Negros Occidental kag Bacolod City.
Ini sa tunga sang gin-report pagsaka sa 50 porsiento sa average daily Covid cases nga na report sa bilog nga pungsod.
Sa December 18 nga report sang Department of Health, May 2,725 ka new Covid cases ang na-report sa December 12 to 18 nga semana.
Ang daily average sa sini nga period – 389 cases.
Sa datus sang DOH kun ipanggid sa Dec 5 to 11 nga datus 50 percent ini nga mas mataas.
Damlag pa ginsiling ni Health Secretary Teodoro Herbosa nga ang pagsaka sa kaso sang Covid indi gid man tuman ka taas kun ipaanggid sa kasubong nga tion sang 2022.
Sa bahin sang Western Visayas, may 292 covid cases ang na report sa nagligad nga duha ka semana.
Ang Iloilo province ang may 119 cases sa amo nga period kag ang Iloilo City ang may 104 cases – pinaka mataas sa record sang Region 6.
Walo ang iya sang Negros Occidental kag 23 naman ang Bacolod sa amo nga period.
Padayon ang pahanumdom sang DOH nga indi magkumpiansa, mag gamit sang face mask kag mas maayo kun mag tenir sa mga well ventilated nga lugar.
Kun may mga sintoma gilayon nga mag isolate suno sa DOH.