Padayon nga manubo ang kaso sang Covid-19 cases sa Negros Occidental.
Ini suno kay Provincial Administrator Rayfrando Diaz nga nag siling nga ang ila nga datus bahin sa na admit sa Cadiz District Hospital nga amo ang Covid designated hospital sang probinsya yara sa lima.
Sa record sang Department of Health Region 6 as of April 13, 274 ang active cases sang Negros Occidental, 43 naman ang iya nga Bacolod City.
Ang probinsya sang Iloilo ang may pinakamataas nga active covid cases sa Region 6 – 912. Damlag pa nag require ang Iloilo city sang pag gamit sang face mask sa mga naga transact sa Iloilo City Hall sa tunga sang na report pag saka sang Covid cases.
Sa April 13 nga datus sang DOH, 101 ang active Covid cases sang Iloilo. Sa Lunes maga bukas ang Panaad sa Negros Festival matapos nauntat ang selebrasyon sang tatlo ka tuig.
Gina paabot ang pag dagsa sang mga bisita kag turista. Suno kay Festival Director, Cheryl Decena optional ang pag gamit sang face mask. Suno kay Provincial Administrator Rayfrando Diaz, mahimo nga ipangabay ang pag gamit sini.
Pero sa pagsulundan sa national protocol suno sa iya naga pabilin man ini nga optional kag as of press time iya pa nga ipatuhoy ini sa gobernador, nga on travel sa personal nga rason.