Amat-amat ang pagsaka sang kaso sang Covid-19 sa probinsya. Occupancy rate sa Cadiz District Hospital yara sa 97 percent.
Suno kay Provincial Administrator Rayfrando Diaz, 85 sa 87 ka Covid beds sa Cadiz District Hospital nga amo ang Covid designated hospital sang probinsya ang okupado.
48 ang confirmed covid cases kag 37 ang suspected cases. Pero paathag ni Diaz, ang ini nga mga kaso ang incidental ukon natukiban na lamang nga nag positibo sila sa covid bangud sila ang gin paidalom sa test bilang kabahin sang standard operating procedure sa mga ospital antes pa man ma admit.
Ang mga natungdan ang naga kinahanglan sang medical nga atensyon bangud sang lain nga kaso kag ya bangud sang covid. Ehemplo diri ang mga manug bata ukon operahan. Suno kay Negros Occidental Governor Eugenio Jose Lacson sarang naman nga ma expand tubtob sa 120 beds ang kapasidad sang amo nga ospital kun kinahanglan para ma accommodate ang mga Covid positive patients.
Sa record sang Provincial Incident Management Team sa sulod sang isa ka semana makit-an ang pagsaka sang kaso sang covid 19. Sa October 22 nga report sini 104 ang active covid 19 cases. Sa report kahapon, October 27 ang active cases nagdangat sa 180. Suno kay Governor Lacson gina paabot ang pag hamboy sini sa 200 mark.