Ginalantaw ni Governor Eugenio Jose Lacson nga sa madason nga semana mahimo nga mag dangat na sa isa ka gatos ang active cases sang Negros Occidental.
Sa datus sang Provincial Incident Management Team, may 12 ka bag-o nga kaso sang Covid-19 ang na record kag nag lumpat na sa karon sa 41 ang active Covid-19 cases sang Negros Occidental.
Wala labot diri, suno kay Lacson, madamo sang naga kaigo sang Covid karon sandig sa ila nagakabaton nga nila nga impormasyon.
“I think we should now tell the public that it’s possible by next week we will be hitting a hundred cases, because I noticed, the other day there was 9, yesterday there was 12, and parang gasaka. And we hear a lot of information that people we know are getting hit by Covid. Let’s be aware of that ang continue to protect ourselves”, suno kay Lacson.
Gina sulit sang gobernador ang iya nga pahanumdom sa publiko nga mag andam kontra sa virus labi na nga may mga pagduso karon nga himuon na lamang optional ang pag gamit sang face mask.
Suno kay Lacson dapat mangin alerto ang publiko labi na nga may pagsaka sa Covid cases. Sa Western Visayas una na ini namutikan sa Iloilo City kag Iloilo province. 180 ang new local Covid cases sa Region 6 sa report sini sang July 14.
Sa Iloilo province 72 kag Iloilo City naman 70 ang gin report nga Covid cases, tig single digit sa nabilin nga mga probinsya kasubong man sa Bacolod City.