Covid 19 alert level system iga-institutionalize sang Department of Health sa pungsod. Pero pagpatuman sang lockdown ang indi na ginakinahanglan.
Kadam-an sa mga lideres sang local government unit nga may yara na sang 100 percent fully vaccinated nga target population ang nagaduso nga makakas na kuntani ang ginapatuman nga alert level system agud maghalog ang mga travel restriction sa idalom sang new normal.
Pero suno kay Health Secretary Francisco Duque, gina kabig nila nga ma-institutionalize ang alert level system nga amo ang magahatag giya sa mga LGU sa tion nga posible magluntad ang surge ukon pagsaka sang Covid-19 cases.
Suno kay Duque wala naman sang igapatuman nga lockdown sa pagpati nga indi na ini masarangan pa sang gobyerno ang mag-gasto.
Iya man ginsiling nga posible ang pagbalik sang face to face classes sa mga lugar nga napaidalom sa alert level 2.