Goodluck! Ini ang nangin mensahe sang iloy nga si incumbent Councilor Virginia Adorio sa iya anak nga nagreklamu batuk sa ginatib ong nga mayoralty candidate sang ila political group.
Sang nahibaluan ang reklamu sang iya anak, nagsugod naman lain ang pamatyag ni Victorias City incumbent Councilor Virginia Adorio nga iloy ni Pacifico “Jun” Adorio III nga magapabilin siya sa grupo sang Asenso Victoriahanon.
Suno sa konsehal nakibot siya sang nanugid sadto ang iya anak nga si Jun kag nagreklamo nga sang Marso biente siya nga ginpaluhod siya kag ginpabisa sa kamot ni mayoralty candidate Javi Benitez nga amo ang ginatub ong nga kandidato sang ila grupo.
Naistorya ni Adorio si Benitez.
Ginpanginwala ni Benitez ang alegasyon kag nagsiling nga wala sang basehan,indi matuod kag malisyoso ang imahinasyon sang anak ni Adorio sa tuyo nga gub-on lang siya.
Indi man masiling ni Adorio kun sin-on sa tunga nanday Benitez kag sang iya anak ang nagasugid sang matuod.
Pero Nagapati siya nga indi ini maka-apekto sa iya kandidatura kag sa grupo sang Asenso Victoriahanon.
Matapos ang ila pagsugilanon gin abisuhan siya sang iya anak nga indi magbiya sa partido ni Benitez.
May mensahe man ang konsehal sa iya anak nga nag upod na sa kasumpong nga grupo.