Naghingagaw transfer sang iya voter’s registration gikan sa Brgy Poblacion sang Toboso padulong sa Barangay Magticol si Councilor Richard Jaojoco.
Suno kay Jaojoco nga sadto nag serbe sang tatlo ka termino bilang mayor sang banwa, laban nga siya ang maga papili bilang punong barangay sang Magticol sa gina paabot nga Barangay Elections sa Oktubre.
Automatic naman suno sa iya ang iya resignation bilang konsehal sa tion nga mag file siya sang kandidatura bilang punong barangay. Wala niya man gin lipod nga mahimo siya magpapili bilang presidente sang Association of Barangay Captains.
Paathag niya bilang local chief executive sadto nahangpan niya ang importansya sang pagpangalagad sa grass roots. Ginsiling niya nga sarang makahimo sang reforms nga mas mapaayo pa gid ang pag serbisyo sa mga pumuluyo.
“Bilang anay local chief executive, nakita ko man karon ara ta sa konseho, then ara kita sa finance and appropriation, nakita ko na kun ara man ang pagpanerbisyo naton sa kabarangayan, siguro mas ma sharpen pa gid naton kag ma improve pa gid naton kay ang barangay is frontline, mas deretso pa gid mas dasig pa gid kun ara. Ma cover pa gid naton ang sa barangay”, suno kay Jaojoco.