Sa San Carlos City, nagdangat na sa 140 ang kadamuon sang active COVID-19 cases sa siudad as of April 5.
Ang siudad ang may pinaka madamo nga na record nga active cases sa probinsya.
123 diri ang local transmission suno kay Joe Alingasa, Jr,., ang pamuno sang Emergency Operations Center sang siudad. Ang Barangay Guadalupe ang may pinakadamo nga na record nga positive cases 29 kag sa 29, 18 diri ang mga katapo sang choir nga damlag pa nag pa manapla para mag perform.
Kaina sang aga nagpadulong sa barangay si mayor renato gustilo kag gintalakay ang sitwasyon sang barangay ilakip na ang pagpanawagan sang kooperasyon sang pumuluyo.
Suno kay Alingasa napatuman na ang containement strategy para malikawan ang paglapta pa gid sang virus.
Nagakasayuran ini nga ang mga apektado nga mga puluy an sang mga nag positibo wala gina tugutan nga maka gwa kag may tiglawas sang otoridad nga naga bantay sa pagpasiguro nga mapatuman ini.
Sa post sang San Carlos LGU, ginsiling nga may pila sa mga natungdan nga residente ang nagsupak sa quarantine protocols kag nag gwa sa ila nga mga puluy an kag ginpangkakas pa ang mga tarpaulin nga ginbutang sa ila nga mga balay. Nag abiso ang alklade nga pasakaan sang kaso ang mga nagsupak.
May 36 naman ka government employees nga gikan sa LGU kag national agency ang nalaki sa mga nagpositibo. May mga talatapan sa city hall nga naka skeletal force kag ang yara naman sa regular duty gin paiway na lamang ang pag report sang mga immuno compromised.
Isa man sa ginalantaw mahimo kabangdanan sang pagtimbuok sang covid cases sa siudad amo ang paghalog sa restrictions base sa mando sang national iatf . Suno kay alingasa ang siudad ginakabig nga yara sa strategic nga lugar bangud ini ang alagyan ukon naga angut sang occidental kag oriental.