Duha ka mga construction workers ang nakuryente sa gina-obra nga building sa Barangay 1, Kabankalan City Biyernes sang udto.
Suno sa saksi, may nabatian sila nga lupok.
Matapos sang lupok, nakit-an sang mga tawo sa lugar nga naglabog ang mga construction workers. Ang isa sa ila ang nasangit sa tubo, samtang ang isa ang nagdiretso sa idalum.
Ginhingagaw dala sang rescue team ang duha ka mga lalaki sa district hospital.
Naga-obra sa construction site ang duha ka mga lalaki sang nagluntad ang insidente.
Wala pa sang impormasyon ang Kabankalan City Police Station angut sa medical status sang duha ka mga nakuryente.