Base sa report sang Scene of the Crime Operatives, may 15 ka mga buno sa lawas ang construction worker nga nasapwan sa Purok Sagrado II, Barangay Estefania sa Bacolod City.
Domingo sang aga sang nakit-an sang iya mga abyan ang bangkay ni alias Jason malapit sa iya puluy-an.
Nahibaluan nga nagaisahanon nga nagapuyo sa iya balay ang biktima.
Suno kay Major Marc Joeil Reclamado, hepe sang Police Station 4, ila nadakpan sa hot-pursuit operation ang 44-anyos nga suspek.
Personal nga dumot ang ginalantaw nga motibo sa insidente.
Ginahulat na lamang sang kapulisan ang death certificate sang biktima agud mapasaka ang kaso nga murder batuk sa suspek.
Sa pahayag sang suspek, ginsugo lamang siya sang bayaw sang biktima bangud suno sa iya, masami nga nagapalupok sang pusil kag nagamaoy ang biktima kun hubog.
Sadtong Mayo, ginlabo kag napilasan sang suspek ang biktima kag sila ang nag-areglohanay sa barangay.
[sibwp_form id=1]