Gin-tripingan kag ginlagas sang apat ka mga persona ang construction worker kag back-rider sini samtang nagalabay ang ila motorsiklo sa Purok San Antonio, Phase 6B sa Barangay Handumanan, siudad sang Bacolod, kaina, Hwebes sang kaagahon.
Ginsiling ni Police Capt. Glenn Montaño, hepe sang Police Station 10, antes makapaburhot sang motorsiklo ang biktima nga si alias Edrick upod ang angkas niya, sila ang natumba kag nakadalagan.
Ugaling, naabtan sang suspek si Edrick kag nabun-an, samtang ang migo sini ang nakapalagyo kag wala ma-ano.
Nakilal-an na ang isa sa mga suspek apang sila ang at large sa gihapon.
Nakaangkon ang biktima sang madamo nga buno sa lawas kag ginbawian sang kabuhi.
Narekober sa crime scene ang kutsilyo nga gingamit sa krimen.
Suno kay Montaño, masami nga naga pang-tripping sa lugar ang nagbuno kag suno sa utod sang biktima, naka-agi bastos sang suspek ang biktima, upod ang iya nobya.
Homicide ang kaso nga paga-atubangon sang nagbuno kag mga kaupdanan sini.