Kapin sa 1.6 ektarya nga duta sang Bacolod LGU sa Hacienda Conchita sa Barangay Granada ang tukuran sang ginakabig pinakadako nga animal shelter sa pungsod.
Ginsiling ni Assistant City Veterinary Dr. Jec Cabuguason, may napain na nga P10M nga pondo para sa construction sang Bacolod Animal Shelter nga sarang suguran sa Abril.
May yari ini sang clinic kag sheds para sa mga hinuptanan nga ido.
Ang propiedad ang kabahin sang kapin 75 hectare property nga nabakal sang siudad.
Nagdesisyon si Mayor Albee Benitez nga ma-realign ang kapin P525M nga pondo nga para kuntani sa pagkaayo sang Burgos Public Market.
Gani sa baylo nga i-rehabilitate ang daan nga dog pound sa Barangay 35, natigayon ang pagpain sang pondo para sa animal shelter.
Tuyo sang City Veterinary Office nga himuon nga temporary shelter ang dog pound nga ginagamit karon para sa mga na-rescue nga hinuptanan.