Construction sang Greenest Government Center natalana suguran sa Victorias City sa first quarter sang 2024.
Gin anunsyo ni Victorias City Mayor Javi Benitez nga sa madasun nga tuig suguran na ang construction sang ginakabig Greenest civic center sa pungsod sa Sidlak Victorias Global City sa Barangay 13.
Natalana man iga-unveil sang alkalde ang disenyo sang kapin P500M nga new government center project.
Sa sulod sang city complex nakakip ang ginatukod nga P55M evacuation center kag ang 600 housing units sang Pambansang Pabahay para sa Pamilyang Pilipino program sa pagpanguna sang Victorias LGU upod sa Department of Human Settlement and Urban Development kag Pag-ibig.
Samtang, may P50,000 naman ang kabilugan kag dugang nga bonus ang napanagtag sa masobra 1,000 ka mga empleyado sang siudad.
Ang LGU ang nagpalab-ot man sang noche buena packs sa kapin 28,000 ka mga panimalay karon nga paskwa.