Halos puno na gid ang cell number 3 sa sanitary landfill sang Bacolod sa Barangay Felisa gani kinahanglan na sang bag-o nga cell para sa basura.
Kahapon gin-ratify na sang Sangguniang Panlungsod sang Bacolod ang pagsugod sang bag-o nga cell para maka sugod na gid ang construction. Suno sa kay Councilor Jude Thaddeus Sayson, wala man sang iban nga bidder kag ang IPM ang naga isahanon nga nag bid para sa pagtukod sini. Yara sa P59M ang balor sang sini nga proyekto kag ini ang maga tindog sa bag-o nga duta nga na acquire sang Bacolod para sa landfill project. Kinahanglan na suno sa kay Sayson nga masuguran gilayon ang proyekto kay halos puno na gid ang daan nga landfill.
Ang daan nga mga cell ang tampukan kag sirad-an na sang siudad. Sa bag-o nga cell, may recycling facility na gani gina paabot nga magamit ini sa mas malawig nga tion.