Ginsiling ni BCPO Director Police Colonel Joeresty Coronica nga iya na gin-present kay Mayor-elect Greg Gasataya ang construction sang pito ka mga standard PNP stations sa siudad.
Nalakip diri ang igatukod nga Police Station 3 sa Barangay Mandalagan, bag-o man nga police station sa Estefania, sa Barangay Banago, sa Vista Alegre kag sa Singcang-Airport.
Luyag man sang BCPO nga makaayo ang bag-o nga Police Station 2 kag 6.
Sa Hunyo 9 na ang ginapaabot nga groundbreaking sang bag-o nga Police Station 3 sa propiedad sang Rockwell.
Gindugang ni Coronica nga in-principle handa naman ang tag-iya sang duta sa Barangay Estefania nga patindugan sang bag-o nga police station.
Ginalauman sang pamunuan sang BCPO nga pinaagi sa dugang nga mga infrastructure project mas mapabaskog pa ang kampanya angut sa peace and order sa siudad.