Isa ka 2-story parking building ang ginsugdan na tukod sang probinsya sang Negros Occidental.
Ini ang sarang maka accommodate sang 128 ka mga salakyan kag napahamtang sa motorpool area sa dalan Gatuslao sa siudad sang Bacolod ukon sa tabok lamang sang ginatukod man nga New Provincial Administation Center.
Suno kay Provincial Administrator Rayfrando Diaz gintalana ang parking area sa mga empleyado sang kapitolyo probinsyal kag kun tigayon na nga mahuman ang pagtukod sang NEW PAC kasubong man sang natungdan nga 2-story parking building pwede nga makabutang sang bridge nga maga angut sang duha ka edepisyo.
Ginapaabot nga mahuman ang new PAC sa first quarter sang 2025 suno kay Diaz.
Sa pihak nga bahin tigayon na nga na clear ang daan nga PAC sang mga occupants sini.
Suno kay Diaz napahibalo na ni Governor Eugenio Jose Lacson ang Dynamic Builders nga amo ang nag lease sang propiedad nga pwede na maka sugod sang demolition kag construction.
Isa ka mixed-use building ang pagatukoron sa amo nga site.