Construction sang diversion channel nga ginalauman makapahagan-hagan sang problema sa baha sa downtown area sang Bacolod ang yara na sa 55 porsyiento nga nahuman.
Ginasuguran na sang DPWH Regional Office ang pagkutkot para ma-angut ang Mambuloc Creek sa diversion channel nga amo ang ginapaabot makahatag solusyon sa problema sa baha sa reclamation area kag ilabi na sa downtown area.
May P147M ang pondo nga gintalana para sa proyekto nga karon yara na sa 55 percent ang construction.
Ginsiling ni DPWH District Engineer Abraham Villareal, malapos ang outfall sang channel sa Bredco Area.
Diri man itukod ang nahauna nga floodgate project para mas mapahagan-hagan ang problema sa baha.
Nagligad lang nga tuig sang ginsuguran ang proyekto nga ginapaabot matapos sa madasun nga tuig.