Kahapon natigayon ang bidding para sa bulk water project.
Isa man lamang ang nag bid sa indi magnubo sadto nga napulo ka kumpanya nga nag pabutyag sang interes sa proyekto sang probinsya, para kay Negros Occidental Governor Eugenio Jose Lacson, ini ang gina kabig na nila nga successful.
Ang consortium sang First Balfour, Inc nga kabahin sang Lopez Group of Companies kag Victorias Milling Company suno kay Lacson amo ang lone bidder para sa bulk water project.
Suno kay Lacson, karon nga nahuman na ang bidding iga pat-od na kun qualified ang amo nga kumpanya.
24 pesos per cubic meter suno kay Lacson ang gina tanyag sang amo nga consortium.
Tinutuyo sang bulk water project sang Negros Occidental nga masabat ang problema sa kakulang sa potable water sa Negros Occidental.