Sa pagpanumpa ni 3rd District Congressman-elect Javier Miguel Benitez kay Executive Judge Dyna Doll Chiongson-Trocio sang Regional Trial Court sa Silay City iya man ginduso ang plano nga pagtukod sang RTC Branch sa Victorias City kag dugang pa nga isa sa Silay.
Ang Silay RTC ang nagaserbe sa masobra 1,200 ka cases nga mas madamo kun ikumparar sa average cases sa Bacolod.
Matapos ang iya pagpanumpa nga gin-updan sang iya iloy nga si Dominique Nikki Benitez, ginpangunahan naman sang alkalde ang oath-taking ceremony sang mga elected city officials sang Victorias City.
Kabahin sa nanumpa sanday Mayor-elect Abelardo Bantug III kag Vice Mayor-elect Francis Frederick Palanca kaupod ang mga elected Sangguniang Panlungsod members.
Ang seremonya ang simbolo sang official transition sang liderato sang siudad.