Sang Lunes nga adlaw gin check nanday Congressman Albee Benitez, Vice Mayor Claudio Puentevella kag mga konsehal ang sitwasyon sa gina tukod nga legislative building sa likod sang Bacolod City Government Center.
Suno sa kongresista, sa fourth floor may ibutang nga reception area nga sarang makabaton sang madamo nga mga bisita kun may pagtililipon.
Sa third floor naman ang opisina sang mga konsehal nga ginalauman mahuman na sa sini nga tuig pero ang bilog nga building nga suno kay Benitez mas dako pa sa main building ang gina paabot nga matapos sa sulod sang 18 ka bulan.
Isa sa mga ginalantaw nga plano amo ang pagbutang sang congressional office sa sini nga building ukon sa daan nga city hall.
Sa karon temporaryo anay nga naga baton sang mga bisita kag naga pangayo sang bulig ang congressional office sa Mt. View Subdivision samtang wala pa sang opisina si Benitez.