Negros Occidental 5th District Representative Emilio “Dino” Yulo ang nanawagan sang congressional investigation sa ginakabig “artificial drop” sa presyo sang raw sugar ilabi na ang gikan sa mga sugar mill nga karon amat-amat nga nagasarurot.
Sa iya nga privilege speech sa kongreso ginpahayag sang kongresista nga nagakadapat lang nga mahimo ang tikang agud ma-stabilize ang presyo sang kalamay kag mapangapinan ang mga small sugarcane farmers nga amo ang labi nga apektado sa wala nagasanto nga presyo sang kalamay sa merkado sa millgate prices.
Nagligad lang nga semana sang magsarurot sa tig P2,470 ang presyo sang sako sang kalamay halin sa mga sugar central.
Para kay Yulo dapat mapat-od kun sin-o ang manabat sa ginakabig price instability kag kun sin-o ang nagapamentaha sa sitwasyon.
Si Sugar Regulatory Administrator Pablo Luis Azcona nagsiling nga handa siya nga magtambong sa ginapaabot nga congressional inquiry.