Pagtukod sang hagna nga makabulig sa economic recovery, edukasyon kag ikaayong lawas ang gintagaan sabat nanday incumbent Bacolod City Congressman Greg Gasataya, businessman nga si Dan Atayde kag retired police officer Willy David sa ila pag atubangay sa debate sang DYHB sa Ikthus Bacolod compound.
Sa atubang sang external panelist,direkta man nga ginpabutyag sang mga kandidato ang ila mangin prayoridad. Diri kag gin siling nanday atayde kag david nga kun tagaan sang chansa, luyag nila pamalabagan ang pagtukod sang ospital sa Bacolod.
Antes nagpamangkutanay ang mga congressional candidates,ila man ginpasundayag ang ila talento sa pagkanta kag pagsaot.
Wala man nagpaulihi ang ila mga supporters nga nagdagsa sa kilid sang dalan Lacson.
Ang mga isyu tuhoy sa pagkambyo sang political group, korapsyon kag pandemic response ang ginsabat man sang mga kandidato sa naulihi nga face off debate sang DYHB Debate Serye 2022.