Science kag evidence based whole-of-community approach ang ipatuman kontra sa RSSI outbreak.
Ini suno kay 3rd District Representative Javier Miguel Benitez nga nag panawagan man nga ipaiway ang politika sa away kontra red striped soft scale insect nga naga halit karon sa katubuhan.
Sang Domingo gin-convene ang Metro Third Sugar Stakeholders’ Meeting sa Talisay City para ma plastar ang district-wide comprehensive operational framework para mapahagan-hagan kag ma manage ang RSSI infestation.
Ang pagsapol ang gintambungan sang mga tiglawas gikan sa mga government agencies, local government units, sugar mills, mga planter, farmers’ associations, barangay officials, researchers, kag technical experts.
Sila ang maga dihon sang collective plan sa tuyo nga mapangapinan ang mga katubuhan kag mapabilin ang palangabuhian kag mas mapabakud ang local sugar industry.
Sa report sang Sugar Regulatory Administration 61,382 hectares sang katubuhan sa Negros Occidental ukon 32.25 percent ang apektado sang RSSI.
10,785 hectares diri ang yara sa 3rd District.
Suno kay Benitez kinahanglan ang pat-od nga mga datus rason nga gin tap man nila ang mga barangay officials.
[sibwp_form id=1]