Sa pihak sang mga nagalapta nga istorya sang switching sang position sa tunga nanday Mayor Albee Benitez kag Congressman Greg Gasataya, ginpakamaayo sang kongresista nga tagaan anay atensyon ang iya nabilin nga trabaho antes sang iya pagbiya bilang katapo sang kongreso.
Wala niya ginkumpirmar kun bala may yara sang nakasugtan sa tunga nila ni Mayor Albee.
Pero nagapati siya nga nagakadapat ini pungkuan agud mapat-ud nila ang mga tikang sa pamulitika sa husto nga panahon.
May lima ka mga option si Mayor Albee kag nalakip diri ang pagbaluhanay nila sa pwesto ni Congressman Gasataya, magpapili liwat sa pagka-alkalde ukon magpadalagan sa pagka- Senador, magbaton sang Cabinet Position ukon magpahuway anay sa pulitika.
Damlag pa ginpanginwala na ni Punong Barangay Caesar Distrito nga spokesperson sang alkalde nga sa iya naghalin ang sugilanon angut sa switching sa tunga sang alkalde kag kongresista.
Dugang pa ni distrito nga mas nagakaangay nga hulaton na lamang ang pag-anunsyo sang alkalde sa iya nga mangin option sa 2025 elections.