Ini ang pila lang ka mga litrato nanday incumbent Congressman Greg Gasataya kag anay staff nga si Atty. Mark Mayo nga naserbe resibo sang sila ang nagapamalabay para manghatag sang ayuda sang ginpatuman ang lockdown tuga sang pandemic sang tuig 2020.
Suno kay Gasataya wala sila nanago sang pandemic taliw as sang pahayag sang katapo sang Grupo Progreso batuk sa ila.
Anay katapo sang Grupo Progreso si Gasataya nga karon kaupod ni mayoralty candidate Albee Benitez sa Asenso Bacolod.
Nanindugan si Gasataya nga indi peke ang desisyon niya nga magpadalagan kuntani bilang neutral candidate kag wala siya sang may gin traidoran.
Indi na luyag pa nga sapakon sang kongresista ang iya kasumpong sa baylo luyag niya tagaan prayoridad ang pagpatukod sang Bacolod City General Hospital kag ang pagtukod sang special Economic Zone sa siudad.