Bacolod Cong. Greg Gasataya nagpa tawag sang congressional inquiry angut sa pagtaas sang presyo sang kuryente kag brownouts.
Ang mahal nga bili sang kuryente kag ang pirme kag gilpihanay nga mga brownouts ang nagduso sa kongresista nga magpatawag sang congressional inquiry para masabat ang tanan nga mga palamangkutanon sang mga konsumedor.
Gin-file ni Gasataya ang House Resolution No. 475 para sa inquiry nga gin co-author naman ni 3rd District Representative Kiko Benitez.
Dugang pa ni Gasataya nga si anay house speaker kag House Committee on Energy chairman Lord Allan Jay Velasco ang nagpasalig man nga maga patigayon sang hearing ang committee sa bulan sang Nobyembre.