Malawig na ang plano nga pagtunga sang Bacolod sa duha ka mga Distrito.
Gani tuyo ni Congressman-elect Albee Benitez nga liwat nga magduso sang hagna para tigayon na nga ma-aprobahan ang sadto anay na-file nga redistricting bill.
Ginapaabot sang alkalde nga ini ang suporthan sang katapo sang konseho.
Gindugang sang alkalde nga ang pagtalana na lamang sang demarcation ang possible nga tagaan atensyon para matigayon na ang pagtunga sang siudad sa duha ka mga Distrito.
Ang pagsanyog sang ekonomiya kag mas madasig nga pag-tin-ad sang siudad ang ginapaabot kun may yara sang separado nga congressional district ang Bacolod.