5th District Representative Emilio ‘Dino’ Yulo ang naga duso sang district-level nga database kasunod sang natabo nga kaso sang pag maltrato sa isa ka OFW nga tigayon nakapalagyo gikan sa iya nga employer sa Saudi Arabia.
Dugang pa ni Yulo kinahanglan man sang mas mabakod nga support network para sa mga migrant workers.
Agosto 2 sang nakapalagyo ang isa ka 45 anyos nga OFW. Karon yara na siya sa paghinakop sang emhabada sang Pilipinas sa Riyadh.
Taga Isabela ang bana sang amo nga OFW. May yara sila sang tatlo ka menor de edad nga kabataan. Humalin pa sang 2023 nagatrabaho sa Riyadh ang OFW kag gin pa extend sang isa pa gid ka tuig nga magatapos kuntani sa December sini nga 2026.
Suno kay Yulo ang lokal nga panguluhan sang Isabela ang naga monitor sang sitwasyon sang OFW kag padayon nga naga coordinate sa mga natungdan nga government agencies humalin pa sang nabal-an ang kaso.
Tigayon na na talakay ni Yulo ang gina duso nga proposal sa Overseas Workers Welfare Administration sang nag ligad pa nga bulan.
Ang kaso sang 45 anyos naga pakita lamang kun ano ka importante ang isa ka masaligan nga database para sa mga pumuluyo sang Fifth District nga naga trabaho sa Middle East kag sa iban pa gid nga bahin sang kalibutan.
[sibwp_form id=1]