Bilang sabat sa statement sang Presidente sang kahapon nga gina abisuhan si Cong.
Arnie Teves nga magpauli kay wala man sang threat sa iya kabuh base sa ila monitoring nagpagwa na naman sang bag-o nga video ang kampo ni Teves.
Nagpasalamat siya sa pag respondesang Presidente sa iya statement pero nag pangabay ini nga maistorya sa iya sa telepono.
Ginliwat ni Teves ang panawagan nga tani ang tanan usisaon angut sa kamatayon ni Gov Roel Degamo kag indi siya lang ang gina imbestigahan.
Samtang ginpapanaugan sang House of Representatives si Negros Oriental Representative Arnolfo Teves, Jr.sang 60 ka adlaw nga suspensyon bangud wala makatambong sa mga legislative proceedings sa pihak nga nag expire na ang iya travel authority sadtong Marso 9.
Sa 292 nga boto nga yes, zero no votes kag zero abstention, ginpatuman ang rekomendasyon sang House ethics and privileges panel kag ginpamatbatan si Teves nga guilty sa “disorderly conduct affecting the dignity, integrity and reputation of the House of Representatives in accordance with the House Rules.”